Сюрес вылын

12226832_936307666459359_1918344354_n

Пичильтык эксперимент сярысь гожто шуи вал)
Одӥг ласянь гожтэм кылъёсы туж огшорыесь, но зэмзэ ке со вал туж бадӟым вамыш.

Вакчияк азькыл: кылем арняе мон НЫРЫСЬСЭ комнатаысь эшъёсыным ветлӥ поръяны. Соос монэ азьвылгес но ӧтчазы ни вал компаниязы, нош мон паланскылӥ… «Мон мадяр кылын туж ляб вераськисько ук, монэн туж секыт луоз (нош мыным уката но) валэктылӥ мон соослы. Бускель нылъёсы ялан «булие» (були — вечеринка) ветлылӥзы, нош мон книгаосын висъетын пукылӥ…

Кылем арня вискыт монэ нош ик чортӥзы, но мон соглаш луи. Зэм ке туж курдай, мае ке но валэктыны уг быгаты шуыса. Ми мадяр кылын гинэ вераськиськом: соос англиез ваньзы тодо, нош мон немец кылэз школаын дышетӥ, нош ӟуч но удмурт кылэз соос ӧз на дышетэ на)))

Озьыен, ми Вишеград нимо крепосте шонтӥм. Поезд гурезьёс вӧзтӥ гылӟе, нош мон выль эшъёсылы ӵошкыт Удмурт шаер сярысь мади. Сюрес вераськонъёс удмуртъёслы вал сӥземын: кӧня удмуртъёс вань, «удмурт» Ижкар, йылолъёс но дышетон сярысь.

Кыӵе со шумпотон аслад калыкед сярысь вераны) Европейской егитъёслы кӧня ке йӧспӧртэм потэ калык кырӟанъёсты, удмурт йылолъёсты но сиёнъёсты тодэме. Соос асьсэлэсь уг тодо ни…

Удмурт букваос сярысь ке. Ӝ, Ӟ, Ӵ вискын ӧвӧл, пе, дифференция. Ярам, троспол кылӥзы ке, шӧдозы али.

Зато бускельёсы тодо ни «ӟечбур», «табань» но «инвожо» удмурт кылъёсты. Азьпалан на соослэн эшшо 7 толэзь удмурт кылэз дышетыны))) Мынам ке 7 толэзь мадяр кылын В1 уровене вуыны.

ЗЫ: куке дышетӥсь юаз, кыӵе тужгес но серемес кыл ми понна, мон малпаськыэк шуи «uborkа» (уборка мадяр кылын огреч). Таӵе серемес кылъёс уката но трос. Тунсыко ик вылэм кылъёсты дышетыны)

12243913_929658200446162_2066213585_n

Добавить комментарий

Ваш e-mail не будет опубликован. Обязательные поля помечены *