Тулыс гинэ, шат, яратон вакыт?

7001Тулыс гинэ, шат, яратон вакыт?
Ми со «катэз» ӧм понэ пелямы.
Куке сӥзьыл писпу дӥсез воштӥз,
Сюлэм кутскиз шара йыгаськыны.

Ваньмыз луиз туж ӝог, шӧдтэк шорысь.
Кызьы вуо зоръёс куарусёнэ.
Соку сӥзьыл шушысь но пурысьысь
Пӧрмиз сайкыт, зарнивуам дырлы.

Гужем куазьлэсь яркыт шунды пиштӥз,
Пуксьылытэк, ялан улӥз инмын.
Егит сюлме мудрон кужым шокчиз,
Изем потон но пырак вунэмын.

…Ӵуж куаръёсты дэри пӧлы нэлькиз.
Жадиз сӥзьыл ненег луэмезлэсь.
Шунды пегӟиз. Курмем ӝомал усиз,
Ӧм адӟе ни шудмес со пеймытысь…

Добавить комментарий

Ваш e-mail не будет опубликован. Обязательные поля помечены *