Уй

Толон Будапештын дотово  шимес куазь вал, урмыса тӧласькиз (зэмос ураган!). Ураме потатэк пуки дорам но одӥгзэ яратоно мадьяр кылбурчиелэсь — Радноти Миклошлэсь — ужзэ удмуртэ берыктӥ.

Уй
Кӧлэ сюлэм но сюлэмшугъяськон но кӧлэ сюлэмын.
Кут но кӧлэ бордорын, чонари вотэслы туж матын.
Чал-чал коркан, чупрес шыр гинэ но уг ни ӵаштырты
Кӧлэ сад-бакча, писпу вай но кырсизь писпу гыркын.
Муш умортоын, розаын ыргон кибы,
Гужем но кӧлэ кисьтӥськись чабей тысьёс пӧлын.
Кӧлэ югыт толэзьын, сӥялскем медаль инмын.
Сайказ сӥзьыл но лушкем мынэ вораны уйшорын.

Тани оригиналэз:
Éjszaka
Alszik a szív és alszik a szívben az aggodalom,
alszik a pókháló közelében a légy a falon;
csönd van a házban, az éber egér se kapargál,
alszik a kert, a faág, a fatörzsben a harkály,
kasban a méh, rózsában a rózsabogár,
alszik a pergő búzaszemekben a nyár,
alszik a holdban a láng, hideg érem az égen;
fölkel az ősz és lopni lopakszik az éjben.

1942. június 1.

Та кылбур кемалась кырӟанлы пӧрмытэмын ни, сое пӧртэм мадьяр кырӟасьёс ас репертуаразы пыртыло:https://youtu.be/T8-8U3PtiPw

Добавить комментарий

Ваш e-mail не будет опубликован. Обязательные поля помечены *