Чолом, коми ма

44_50

Ӝыны нунал долкаса автобусын, поездын пукон но…тон вуид Коми шаерлэн шоркараз. Пересадкаос, витён, бугоръёс – выжы калыкмы дорозь сюрес секыт сетӥськиз. Но, басьтэм эмоциосты мон вылӥгес дунъясько! Котьма мед но, кисые бушаз ик ке  но («Шундыослы» сюрес понна тыризы, нош мон ас коньдонэн как обычно) уг жаляськы ветлӥ шуыса.

 Ӧтик, кык, куим, нёль… Сомында Помоздино черкогурт дорозь автобусэн мынӥмы. Укно сьӧрын вошъяськисьтэм суред акыльтӥз: нюлэс, нюлэс, нюлэс – тайга.

Мырдэм вуим кулэ интыозь. FUROR, кутскиз! Татын ини кутскиз коми кыв пӧлы «погружение». Пыриськисьёсты улыны коми семьяосы интыязы. Ми удмурт нылашкаосын тупам арлыдо но туж сюлмо адямиос доре. Нырысь ми азьын ӟуч кыл но ӧз потталэ, коми кылын гинэ мадисько. Кылзыса, валаны тырши. Небыд, олӧм, мена, водзын…
В принципе, валаны луэ. Котькуд предложениысь мар ке но удмуртсэ шӧдӥ).

Коми гуртэ мон нырысьсэ вуи. Бадӟым, вашкала, писпуё – сыӵе со Помоздино. Урамъёс линейкая ӧвӧл, коркаос отын-татын будэмын. Нюлэсо шаерын тросэз улон интыос пулэсь пуктэмын. Газ ӧвӧл. Тросэзлэн доразы кык гурзы. Ву но канализация тоже ваньзылэн ӧвӧл. Нош самой паймытӥсез: шурлэн кыкнапал палаз мунчоос сыло. Романтика! Отын туалаез но вашкалаез тупаса  огинын уло. Анаелэн пичи дыраз кадь вуылӥ)))

Кузёосын нырысь нуналаз трос ӧ вераськы, нош собере…кыл ачиз кошкиз ни. Соос туж тыршизы милемыз утялтыны. Ӵукна султӥськод — тон понна йӧлын ӝук пӧзьтэмын, оладьи пӧрамын, я мар сиён сярысь вераны, мунчо ӵукна ик эстэмын! Даже неудобно вал, кыӵе ке «дась комак» кадь улӥ. Вератэк уг чида калык сиёнъёс сярысь: коми шаньги, брусникалэсь компот веръяй))

…Коми веранъёс али но пель сьӧрам на. Умой ик со, куное вуылыны) Сомында кузьымъёс ыстӥзы милемлы мусо пересьёсмы: банка губи, брусника но черника, нош эшшо кышет (удмуртъёслэн но вань таӵе йылолзы, дуно кунолы кышет кузьман). Кошкон азямы ӵошен фотое пуксим. Аляпай мыным киям пичи гинэ кагаз мычиз. Адрессэ гожтэм. Эн, пе, вунэтэ милемыз, вуылэ на эшшо…

ЗЫ: али бергатӥсько со кагазэс киям. Ӵуказе  туспуктэмъёсмес но Выль арен открыткаез келяло кыдёкысь, но сюлэмлы матысь Коми шаере.  Шунытты, мылкыдды понна аттьӧ!

кузёосынымы)
кузёосынымы)

Добавить комментарий

Ваш e-mail не будет опубликован. Обязательные поля помечены *