Эрикомон

20141205_203532

…Зал почти быдэсак тырмемын вал. Одӥг-ог гинэ, пасьёс выллем, буш пуконъёс адӟиськылӥзы. Мышкамы пукись адямиос ӵем театре ветло, шӧдске. Артистъёсты нимъёссыя ваньзэс тодо, кылем постановка сярысь ӟабыльто. Мон йырыным, сыщик  кадь, солань-талась баргатӥсько, тодмо ымныръёсты утчасько. Куинетӥ звонок. Эше наушникъёсты понӥз. «Эрико яратон» спектакль кутскиз.

Нырысь минутсъёсы ик паймытӥзы декорациос – номыр но мултэсэз ӧвӧл. В принципе, геройёсыз но трос ӧвӧл, валтӥсьёсыз — кышноен картэн (Моисеевъёс), но эшшо ке пизы (Никитин). Пьесалэн проблемаез – вань дауръёсы но котькуд адямилы тупась – яратон. Сцена вылын улонысь учыръёсты адӟи, тодам ваи «лейкась» семьяосты.

Итальян драматург Дарио Фо зэмзэ но туала нуналлы туж актуально проблемаез ӝутӥз: семья кусыпъёс дунтэмало, воргоронъёс – паллянэ ветло, весь керетыса уло… «Да пошОл тон!» — кеське героиня, нош эше мыняса шорам учке «это и без переводчика поняла» шуэ.
Кышно весь ассэ быдтон сярысь вераське. Вот таиз тема мыным противной потэ, юрдӥсько – анай-атае котьку но веразы «асьсэдыз быдто эгоистъёс, слабакъёс, шуккемъёс».  (Милям семьяын та выллем темаос «под запретом»).

Кык геройёс шоры гинэ учкыны секыт (мон жади искусственной серекъямлэсь, шораз со укыр трос но пеле пыре), соин мыным туж яразы эктонъёсын люкетъёс. Соос тырмиськтэм динамикаез ватсазы. Наконец-то Щепкаослэсь эктыны-вырыны быгатэмзэс, дышетскемзэс адӟытӥзы!!! Аллилуйя)

Антракт дыръя, как обычно, тодылӥ адямиослэсь малпанъёссэс:

— Мултэс уно секс. Укыр откровенно куд-ог интыосыз потӥзы…
— Туж туала спектакль. Театр будэ…
— Выль шӧм пыртэмын, но  малпасько удмурт учкисьёс таӵелы дасесь ӧвӧл на…
— Нош мон понна валантэмесь потӥзы со странной эктонъёс. Ни о чём…

Зэмзэ но, итальян авторлэн шӧдӥськизы «пӧсь» мылкыдъёсыз)) Но ведь сое шудыны быгатыны кулэ. Пушкам консерваторе маке но ӟурыны ӧдъяз вал, но мон сое тышкай. Зэм но, выль адӟытон, но мон мӧзми ни чылкак «удмурт виро» ужъёслэсь, калыкмы сярысь калыкмылы…

Ӝуатскизы тылъёс. Мышкамы пукись адямиосмы нош ӟабыльтыны кутскизы кыӵе но ку удмурт ужрадъёс луозы.
— Выль ар азьын но бадӟым концерт, весь радио пыр верало,только валамтэм, кытысь билет басьтыны…
— Я, театре ветлӥм, вуонояз ДК-е мыном, кырӟалом…

Занавес.

20141205_193136
котькытын но — селфи)
20141205_183452
калык пӧртэм ёросъёсысь люкаськиз

Добавить комментарий

Ваш e-mail не будет опубликован. Обязательные поля помечены *