Сутэр варення
Гужем гуртын умой. Бакчае потӥд но — я льӧм, я вишня, я сутэр куӵо-каӵо весьёсын кырымдэ тырмытӥд- йырыд ик пӧрме,ява, зынызлэсь. Сутэр куакмы котьку трос вал: векчиез но, тазаез но. Тулыс югыт-вож пинал куаръёсызлэсь чай парим — пыштурынэн кадь ик ческыт. Гужем варення пӧзьтӥм, дас-кызь пичигес но бадӟымгес банка пеймыт пуштросэн рядэн-рядэн ӝӧк выламы интыяськизы. Пӧлысьтымы огмы но чырсалэс варенняез ӧм яратэ. Куддыр, мунчо бере, морс юылӥм яке Ижысь куноосмылы