Кылшудон: поговоркаос

HU-UDM szólás — поговорка  ‘нылпи пыдкукен ветлэ’ — мае ке уг пӧрмыты ӧнер (опыт) тырмымтэен валлин;  ‘марлы ке пиньыз висе’ — туж  (пиньыз висьытозь ик!) потэ быдстэмез; ‘бирды борды куртка вуре’ — таиз, малпасько, тазьы но валамон) ‘пельыз но, быжыз но ӧвӧл’ — кызьы шуо ӟучъёс: «ни рыба, ни мясо»; ‘покчиарняез вера’ — ужез уг пӧрмы, киыз уг мыны. 

Уй

Толон Будапештын дотово  шимес куазь вал, урмыса тӧласькиз (зэмос ураган!). Ураме потатэк пуки дорам но одӥгзэ яратоно мадьяр кылбурчиелэсь — Радноти Миклошлэсь — ужзэ удмуртэ берыктӥ. Уй Кӧлэ сюлэм но сюлэмшугъяськон но кӧлэ сюлэмын. Кут но кӧлэ бордорын, чонари вотэслы туж матын. Чал-чал коркан, чупрес шыр гинэ но уг ни ӵаштырты Кӧлэ сад-бакча, писпу вай но кырсизь писпу гыркын. Муш умортоын, розаын ыргон кибы, Гужем но кӧлэ кисьтӥськись чабей тысьёс пӧлын.

Кин мон?

Удмурт-а мон? Ӟуч-а мон? Кызьы огшоры улонын валэктыны адямиослы, мынам кык анай кылы, кык культурае шуыса? Кызьы аслэсьтым кин луэмме валэктом? Берло дыре та юанэз ӵемгес аслым ачим сётӥсько. Котькуд нунал улонэ монэ выль адямиосын тодматэ. Котькуд нунал мон валэктоно луисько соослы, Россиын ӟучъёс сяна туж трос пӧртэм калыкъёс уло шуыса. Удмуртъёс, бигеръёс, поръёс… Тау, Калашниковлы, со ӵем дыръя капчиятэ югдурез. Эшшо Урал гурезьёс туж юртто. Удмурт шаер сярысь кылэм/тодӥсь адямиен

«Тон удмурт-а мар-а?»

Кылем арняе вордӥськем нуналэ ветлӥ. Куноын калыккуспо форумын выллем вал: пӧртэм шаерысь егитъёсыз люказ эшмы. Мон ачим сярысь «фром Раша» верай.Вераськон куспын удмуртъёс сярысь маке поттӥ. Вӧзам пукись мадьяр пияш, паймыса: – Тон удмурт-а мар-а? – Ы-ы, удмурт – Удмурт кылэз но тодӥськод-а? – Тодӥсько… – Нош ми тӥ сярысь школаын дышетӥм вал… Мон малпай вал, удмурт кылын вераськись ик ӧз ни кыльы… Дышетӥсьмы вераз вал, кылды секыт югдуре сюремын