Мон ӧй сётскы кезьыт тӧлъёслы…

Мон ӧй сётскы кезьыт тӧлъёслы, Одӥгнам шунтылӥ валесэз. Сюлэмам йыгаськись ӝожелы – Матэгес ӝиптылӥ миндэрез. Мон ӧй бӧрды… (Я мар алданэз) Лушкемак мыньпотон суредай, Синмыным пасялляй укноез, Шунытэз, валамез мон возьмай. Омырысь шӧмъёслэсь кудӟемын. Шундые небытэн вешалоз, Пужыё нунӥям ымнырын, Улонэ тулысэ вамыштоз. Видео: https://youtu.be/5JUlz9QMwHw

Сюрес вылын

Пичильтык эксперимент сярысь гожто шуи вал) Одӥг ласянь гожтэм кылъёсы туж огшорыесь, но зэмзэ ке со вал туж бадӟым вамыш. Вакчияк азькыл: кылем арняе мон НЫРЫСЬСЭ комнатаысь эшъёсыным ветлӥ поръяны. Соос монэ азьвылгес но ӧтчазы ни вал компаниязы, нош мон паланскылӥ… «Мон мадяр кылын туж ляб вераськисько ук, монэн туж секыт луоз (нош мыным уката но) валэктылӥ мон соослы. Бускель нылъёсы ялан «булие» (були — вечеринка) ветлылӥзы, нош мон книгаосын